Një lajm i mirë vjen nga Greqia për punonjësit sezonal shqiptarë. Qeveritë e dy vendeve kanë arritur një marrëveshje për punësimin sezonal nga e cila pritet të përfitojnë rreth 10 mijë shqiptarë sipas mediave greke.
Ato i referohen burimeve nga Ministria greke e Bujqësisë e cila informon se marrëveshja parashikon punesimin sezonal me procedura të përshpejtuara të 7-10,000 shtetasve shqiptarë, të cilët do të punësohen me të drejta të plota në Greqi.
Punëdhënësit grekë do të kenë kohë nga data 4 maj deri në 20 qershor të aplikojnë pranë kooperativave bujqësore të rajoneve të tyre.
Përsa i përket punonjësve të interesuar të punësohen në këtë sektor,do të duhet të aplikojnë në platformën online www.punenegreqi.gr dhe brenda 3-4 dite, do të kenë përfunduar kontratat e punës prej punëdhënësve.
Për herë të parë, i gjithë procesi i pajisjes me dokumentat e nevojshme është falas, dhe nuk do të jetë e nevojshme pajisja me vizë pune, duke iu kursyer emigrantëve edhe pagesat e veprimeve konsullore dhe burokracitë. /Opinion.al
