Vrasja e dy vëllezërve Haxhia me origjinë nga Puka, në Durrës e ktheu edhe njëhrerë vëmendjen ndaj atentateve të tipit mafioz në Shqipëri pas një periudhe pushimi nga kriza e koronavirusit.
Autorët zbrazën 55 plumba mbi dy viktimat dhe u zhdukën. E vetmja gjë që dihet rreth tyre deri tani është që kanë përdorur një automjet “Toyota” ngjyrë gri të errët.
Sipas gazetarit Artan Hoxha, policia tani ka hapur pista të ndryshme hetimi rreth ngjarjes dhe një detaj i ri ngre dyshimet se viktimat dhe autorët njiheshin.
“Unë kam pyetur dje dhe nuk më kanë dhënë detaje se personat në fjalë kanë qenë të armatosur, ato kanë besuar te siguria dhe te masat e marra. Drejtuesi i mjetit e ka ndaluar vetë makinën, kjo të lë të kuptosh se mund të ketë një njohje mes viktimave dhe autorëve dhe pse nuk kemi asnjë informacion zyrtar për këtë. Nga të dhënat e deri tanishmë mjeti tip Toyota që është drejtuar drejt vendit që ne e njohim si “Trekëndëshi i Bermudës”.Kryqëzimi Tiranë , Durrës dhe Fushë Krujë ku zakonisht është dhe vendi ku autorët sikur avullojnë. Nuk ka pasur asnjëherë stategji se si kjo zonë është në monitorim. Është e pamundur që kjo zonë të lihet e pambuluar nga forcat e policisë”, ka tha Hoxha në një intervistë në ABC News.
Gazetari hodhi dritë edhe mbi disa nga pistat e mundëshme të cilat po heton policia. Sipas tij servisi i makinave në pronësi të vëllezërve mund të jetë përdorur për të modifikuar një automjet që ka transportuar drogë e cila është kapur. Megjithatë pista e hakëmarrjes konsiderohet e mundshme nëse merret parasysh fakti që të dyja palët njiheshin me njëri – tjetrin.
“Një element tjetër është se një automjet që dyshohet se është modifikuar në servisin e vëllezeërve për trafik narkotikësh dhe ka të dhëna se ai është kapur jashtë me lëndën narkotike. Ti mund ta kesh modifikuar mjetin por ngarkesa nuk ëhtë e jotja, ti e ke modifikuar mjetin por cilësohesh dhe si autor. Dënimi që ka marrë më parë Besmiri jashtë e ka kryer dënimin, por në Shëqqipëri nuk ka një gjë të tillë, duke qenë se vijnë nga një zonë ku hakmarrja mund të jetë një tjetër pishtë. Ka disa pista në duart e policsë. Tjetra është nëse ka implikim në trafikimin e narkotikeve jashtë Shqipërisë, pasi zakonisht ngjarjet e fundit kanë të bëjnë me trafikun e lëndeve narkotike në Shqipëri ndodhin në vendet e Evropës dhe kufomat i mbledhim në banesat e tyre. Ne bëhemi pjesë e një bilanci që nuk ndodh brenda vendi tonë. Kjo e bën më të vështirë dhe un ëkëtu e shikoj një tjetër dobësi të policsë pasi është e vështirë që të gjurmosh grupet në Amerikën Latine dhe në Evropë, por patjetër duhet të kesh informacion se cila është adresa. Po hetohet ky episod pasi është kapur ky automjet i modifikuar në Itali. Ai dyshohet se ka shkuar me traget nga durrësi në itali është një e dhenë që po shikohet nga hetuesit por akoma nuk ka një të gjë zyrtare akoma. Një tjetër gjë është nëse autorët kanë pasur direkt lidhje me viktimat apo janë të paguar”, është shprehur gazetari./ Opinion.al
