Partia Demokratike ka reaguar përsëri në lidhje me situatën e krijuar nga koronavirusi dhe për mënyrën se si ajo po menaxhohet nga qeveria.
Ish-deputetja e kësaj partie, Jorida Tabaku shprehet në rrjetet sociale se qeveria po gënjen dhe në vend të lehtësoje biznesin, iu rrit taksat.
Dhe pse kryeministri Rama deklaroi se biznesi i vogël nuk do të paguaj taksa, Tabaku thotë se biznesi i vogël vazhdon të paguaj taksat me përjashtim të Tatim Fitimit që u shty në kohë pas këmbënguljes së vazhdueshme të opozitës.
Ndër të tjera, ish-deputetja deklarin se “Kështu një biznes, një dyqan, duhet të paguajë 25 mijë lekë më shumë taksa, pra sa një rrogë minimale për një punëtor. Biznesi do të paguajë 11% më shumë se sa vjet ndonëse ekonomia në total do të zbresë sa 5% e GDP dhe konsumi pritet të zbrezë më shumë se 11%.”
Reagimi
Qeveria gënjen- në vend të lehtësoje biznesin, rrit taksat
Qeveria po genjen njerezit tani që ata kanë më shumë nevojë se kurrë për shtetin.
Ndërkohë që kryeministri u thotë shqiptarëve se ai ua ka falur taksat biznesit të vogël dhe pseudokryetari i bashkisë si një kopjac e pohon kete, e verteta eshte krejt e kunderta!!
Në kundërshtim me gënjeshtrat e Ramës dhe Veliaj, biznesi i vogël vazhdon dhe paguan taksat një më një me përjashtim të Tatim Fitimit që u shty në kohë pas pas këmbënguljes së vazhdueshme të opozitës.
Për më tepër, SOT në kohë emergjence dhe krize kombëtare, biznesi i vogel njëkohësisht duhet të paguajë taksa të rritura në raport me vjet.
Kështu një biznes, një dyqan, duhet të paguajë 25 mijë lekë më shumë taksa, pra sa një rrogë minimale për një punëtor. Biznesi do të paguajë 11% më shumë se sa vjet ndonëse ekonomia në total do të zbresë sa 5% e GDP dhe konsumi pritet të zbrezë më shumë se 11%.
Qeveria i kërkon këtij biznesi të paguajë taksa më shumë megjithëse ka 2 muaj që nuk hap qepenat fare. Në vend që të ndihmojë njerëzit dhe bizneset të përballojnë krizën, qeveria i gënjen dhe ju rrit taksat atyre.
Të rrisësh taksat në këtë periudhë emergjence nuk është vetëm kundër logjikës së tregut, të rrisësh taksat sot eshte kriminale!!
Mbi 500 mijë shqiptare të punësuar në sektorin privat që sot janë të mbyllur kane humbur rrogen e tyre mujore. Ata jo vetem nuk po marrin asgje nga shteti, por biznesi vazhdon të taksohet madje edhe ti shtohen taksat!
Shqiptarët po kalojnë një situatë shumë të vështirë dhe janë braktisur nga shteti. Shqiptarët meritojnë të trajtohen me dinjitet dhe të ndihmohen ekonomikisht sepse kanë paguar taksa këto 7 vjet. Ndaj ata sot më shumë se kurrë duhet të kenë mbeshtetjen e shtetit, kjo është një e drejtë që ju takon.
Fatkeqësisht, qytetarët shqiptarë nuk po vuajnë vetëm nga virusi por dhe nga një qeveri e korruptuar dhe një kryeministër i dështuar../ Opinion,.al
