SHBA e ndjekur nga Franca dhe Gjermania, kanë hedhur akuza ndaj Kinës për përhapjen e pandemisë COVID-19, pasi sipas tyre nuk është informuar në kohë për rrezikon që ka gjunjëzuar botën.
Lidhur me këto akuza ka reaguar zëdhënësi i Ministrisë së Jashtme kineze Geng Shuang, i cili është shprehur para gazetarëve se kina nuk është armiku i Amerikës.
“Disa amerikanë duhet të jenë të qartë për këtë: Kina nuk është armiku i tyre. Komuniteti ndërkombëtar duhet të bashkohet për të fituar luftën kundër virusit.Ne shpresojmë që njerëzit në SH.B.A. të respektojnë faktet, shkencën dhe konsensusin ndërkombëtar. Ata duhet të ndalojnë sulmet dhe hedhjen e fajit ndaj Kinës, të ndalojnë të bëjnë vërejtje të papërgjegjshme dhe të përqëndrohen më shumë në kontrollin e brendshëm dhe bashkëpunimin ndërkombëtar,- tha Shuang në një konferencë për shtyp
Më herët, presidenti amerikan Donald Trump tha se SHBA është ende e gatshme të dërgojë një ekip për të hetuar shpërthimin e Covid-19 në Kinë.
Geng gjithashtu i bëri thirrje komunitetit ndërkombëtar që “të bashkohen për të bashkëpunuar, në vend që të tregojnë gishtat njëri-tjetrit apo edhe të kërkojnë kompensim”, duke iu referuar raporteve që ligjvënësit republikanë në SHBA kishin futur legjislacionin javën e kaluar duke lejuar amerikanët të padisin qeverinë e Kinës mbi informacione të pasakta për virusin./ Opinion.al
