Teksa prezantoi paketën e dytë financiare, kryeministri Edi Rama kërkoi sot dhe bashkëpunimin e opozitës për të përballuar situatën e krijuar nga koronavirusi.
Pas ftesë së kryeministrit, ka reaguar Sekretari i Përgjithshëm i Partisë Demokratike, Gazment Bardhi.
Ai shprehet se Rama kërkon të fshihet pas thirrjeve fallco për bashkëpunim me opozitën për të mbuluar dështimin e tij. Sipas Bardhit, kryeministri ka refuzuar që në fillim bashkëpunimin dhe ndihmën e opozitës.
Reagimi
Edi Rama kërkon të fshihet pas thirrjeve fallco për bashkëpunim me opozitën për të mbuluar dështimin e tij. Ai ka refuzuar që në fillim bashkëpunimin dhe ndihmën konstruktive të opozitës. Madje ka harxhuar energji dhe orë të tëra duke sulmuar opozitën me batuta ordinere dhe bajate, në vend që të fokusohet tek emergjenca. Ftesat janë fallco dhe bëhen vetëm për të mbuluar dështimin e tij, që këtë radhë është edhe më i madh dhe i dëmshëm se më parë./ Opinion.al
