Stafi i emisionit “Opinion” ka ofruar sot drekën për 100 mjekët, infermierët dhe punonjësit sanitarë të spitalit Infektiv, ku po trajtohen të prekurit me Covid-19.
Është kjo një shenjë solidariteti, mbështetjeje dhe respekti maksimal për bluzat e bardha në punën e tyre të palodhur gjatë këtyre ditëve të vështira, duke ofruar një vakt ushqimor përgatitur nga “Floga”.
Blendi Fevziu, Drini Zeqo, Sonila Sina dhe regjisori Indrit Kasmi, shkuan personalisht në këto ambjente për të përshëndetur një pjesë te stafit.
Në pamundësi për të drekuar se bashku, për shkak të kushteve “Opinion” i uroi punë të mbarë të gjithë bluzave të bardha dhe solli një thirrje për të gjithë ata që kanë mundësi të mbështesin mjekët e spitalit Infektiv dhe “Shefqet Ndroqi”.
“Opinion” i ka kushtuar vëmendje dhe hapësirë televize koronavirusit, që prej shfaqjes së tij.
Tashmë prej disa javësh, programi është fokusuar totalisht tek kjo cështje, duke ndarë informacione utilare dhe mesazhe të rëndësishme për situatën e koronavirusit në Shqipëri, por dhe në botë, përmes zërit të ekspertëve./Opinion.al
