Këshilli i ministrave të Jashtëm të Bashkimit Europian i dha sot dritën jeshile Shqipërisë dhe Maqedonisë së Veriut për negociatat e anëtarësimit në BE.
Lajmi u përshëndet nga të gjithë krerët e institucioneve të BE-së, diplomatë të vendeve anëtare si dhe politikanë vendas. Komisioni Europian kishte rekomanduar celjen e negociatave pa kushte që në vitin 2018 por procesi kishte ngecur për shkak të zhvillimeve të brendshme të cilat u gjykuan nga liderët e vendeve anëtare si arsye thelbësore për shtyrjen e tyre. Në tetor Presidenti francez, Emanuel Makron u bë përfaqësuesi i vendeve të cilat ishin kundër celjes së negociatave, kryesisht me Shqipërinë sic pohoi dhe vetë ai. Por Makron e justifikoi vendimin e tij me kërkesën për të reformuar procesin e zgjerimit. Pas rishikimit dhe adaptimit të një qasjeje të re, të dyja vendeve do tu rishikohej perspektiva për celjen e negociatave.
Maqedonia e Veriut në këtë proces e ka rrugën më të lehtë se Shqipëria pasi kësaj të fundit i janë vendosur disa kërkesa të cilat kushtëzojnë konferencën e parë ndërqeveritare e cila de facto shënon nisjen e negoicatave. Së pari ishin 9 kushtet e famshme të Budestagut të cilat u vendosën në tetor por draft-propozimi i miratuar nga Këshilli i ministrave të Jashtëm sot përmban kushte të reja.
“Para konferencës së parë ndërqeveritare, Shqipëria duhet të miratojë reformën zgjedhore në përputhje me rekomandimet e OSBE / ODHIR, duke siguruar financim transparent të partive politike dhe fushatave elektorale, të sigurojë zbatimin e vazhdueshëm të reformës gjyqësore, duke përfshirë sigurimin e funksionimit të Gjykatës Kushtetuese dhe Gjykatës së Lartë, duke marrë parasysh ekspertizën përkatëse ndërkombëtare, përfshirë edhe rekomandimet e Komisionit të Venecias, dhe të përmbyllë krijimin e strukturave të specializuara kundër korrupsionit dhe krimit të organizuar. Shqipëria gjithashtu duhet të forcojë më tej luftën kundër korrupsionit dhe krimit të organizuar, edhe përmes bashkëpunimit me Shtetet anëtare të BE-së dhe përmes planit të veprimit për të adresuar rekomandimet e Task Force të Veprimit Financiar (FATF). Trajtimi i aplikimeve të pabazuara për azil dhe sigurimi i riatdhesimeve dhe ndryshimi i ligjit të medias në përputhje me rekomandimet e Komisionit të Venecias mbeten prioritete të rëndësishme. Komisioni do të sigurojë një raport mbi këto çështje, përfshirë progresin në lidhje me rekordin, kur prezanton kornizën e bisedimeve“, thuhet ndër të tjera në draftin e konkluzioneve, që do t’u paraqitet të enjten kryetarëve të qeverive dhe të shteteve të BE-së, një kopje të të cilit e ka DW.
Komisioneri për Zgjerimin, Oliver Varhelyi tha sot në konferencën online për mediat, pas marrjes së vendimit për celjen në parim të negociatave, se Maqedonia e Veriut dhe Shqipëria do të trajtohen sipas meritës në këtë proces. Pra shtetet që do të plotësojnë të parat kushtet do të nisin me procesin e negociatave. Për Maqedoninë e Veriut, Këshilli nuk ka vendosur parakushte dhe pritet që ajo të nisë procesin në konferencën e parë ndërqeveritare.
Fillimi i bisedimeve të pranimit është fillimi i një procesi disavjeçar, kishte thene me pare ministri gjerman i Evropes Michael Roth. Vetëm nëse Shqipëria dhe Maqedonia e Veriut zbatojnë axhendën ambicioze të reformave, ato mund të bëhen përfundimisht anëtare te Bashkimit Evropian. /Opinion.al
