Ministria e Shëndetësisë raporton se ka shkuar në 4 numri i personave që kanë humbur jetën si pasojë e koronavirusit në vend.
Mësohet se ai është një 43-vjeçar nga Kavaja, i cili ndodhej i shtruar në Spitalin Infektiv, në terapi intensive.
Sipas informacioneve të Ministrisë së Shëndetësisë, ai vuante vetëm nga obeziteti dhe nuk kishte sëmundje të tjera shoqëruese.
Numri i rasteve me të infektuar nga Covid-19 në Shqipëri është 89, prej të cilëve 4 kanë vdekur dhe 3 të tjerë kanë mundur të shërohen.
Mbrëmjen e djeshme ndërroi jetë në Spitalin Infektiv një pacient 71-vjeçar me origjinë nga Kuçova, i trajtuar më herët në spitalin universitar “Shefqet Ndroqi”.
71-vjeçari vuante nga disa sëmundje si: Kancer mushkërie, diabet mellitus, fibrilacion arterial dhe hipertension./Opinion.al
