Kryeministri Edi Rama, deklaron se sistemi shëndetësor në asnjë vend në botë nuk mund t’ia dalë i vetëm përballë koronavirusit. Ndërsa ia ngarkon përgjegjësinë popullit që sipas tij duhet të zbatojë masat, Rama u shpreh se virusi do hapet kudo por është e rëndësishme nëse kjo do ndodhë me shpejtësi apo ngadalë.
– Numri sa vjen e rritet në vendin tonë. Para pandemisë deklaruat se jemi të gatshëm. A është sistemi ynë i përgatitur të përballojë një fluks të madh?
Çdo sistem shëndetësor në botë, dhe ato më të kuotuarat, italian, gjerman, francez, janë të sfiduara rëndë. Askush nuk ka sigurinë se mund t’ia dalë duke e vendosur sëmundjen përballë vetëm me sistemin. Ndaj të gjithë mes virusit dhe vijës së parë të mbrojtjes kanë vendosur popullin. Është populli që duhet të garantojë që përmes masave dhe zbatimit të tyre ta bëjë avancimin e virusit shumë më të ngadaltë. Pritshmërinë sa më të ulët që t’i japë mundësi sistemit të kurojë ata që janë më në nevojë. kjo është arsyeja që merren masat. Virusi do hapet kudo dhe do bëjë të vetën por ajo që është e rëndësishme përhapja e virusit me shpejtësi apo me ngadalë. Përhapja me shpejtësi…
Po ashtu, kreu i qeverisë komentoi kërkesat e bëra nga bizneset, të cilat kanë mbyllur aktivitetin e tyre për shkak të situatës nga koronavirusi.
Rama u shpreh se këto biznese po kërkojnë nga qeveria edhe ‘nënën dhe babën’, por që sipas tij, ndihma e parë do u jepet të varfërve.
“Do ruajmë dhe detin që bëhet kos. Duke dëgjuar propozime të papërgjegjshme, kërkesa pas kërkesash, nga komuniteti i biznesit. Dua t’u them të gjithëve se deti nuk është bërë kos, por jemi këtu për të kursyer dhe kosin që kemi. Sepse jemi në luftë. Në një luftë të mirëfilltë që quhet e tillë dhe nga lider më të mëdhenj të botës. Presidenti i SHBA flet për luftë, i Francës po ashtu. Jemi në luftë. Nëse do të ishte forma e luftës me të cilën jemi mësuar nga tv apo eksperienca jonë në rajon dhe nga vet eksperienca në 99 kur njerëzit iknin nga Kosova, se i kishin bombat mbi krye, s’do bënim pyetje për këtë kohë dhe të bënin kërkesa absurde për një kohë luftë. Duke i kërkuar qeverisë nënë e babë. Jo qeveria ka detyrë tu gjendjet pranë të gjithëve, të shoh ata që janë më të dobëtit. Ata që rrinë në shtëpi dhe më të drejtë ankohen e janë të stresuar, le të kujtohen se pak km larg tyre rrinë në çadër, ka pensionistë të vetmuar. Ne kurrë s’do të bëjmë gjëra që mund të lezetojnë sot dhe kthehen nesër në një bumerang me pasoja të pallogaritshme.”, tha Rama. për News 24.
Nga ana tjetër, përpos thirrjeve për verkarantinim, Rama deklaroi se disa aktivitete në vendin tonë duhet të qëndrojnë hapur, pasi kjo do të rrezikonte ekonominë e vendit. Ai theksoi se e nesërmja do të ishte e dhimbshme nëse do të ndërpriteshin të gjitha hallkat e zinxhirit ekonomik, duke bërë që “njerëzit të hanin njëri-tjetrin”.
“As një vend, as Kina, nuk këput të gjithë zinxhirin ekonomi të vendit, por ato hallka, që sapo të rëndësishme, dhe sado e dhimbshme të jetë, nuk vënë në pikëpyetje ditën e nesërme. Nëse do të këpusnim zinxhirin e vendit totalisht, vërtete do ishim më të izoluar, por do ishim duke hapur atë gropë që thash dhe duke i bluar të gjithë së bashku kockat Shqipërisë, ku ka jetë pas luftës. E cila duhet të rifillojë me sa më pak plagë dhe jetë të humbura. Pa u gjendur në një shteg qorr, ku do të detyrohemi të hamë njëri tjetrin.”, tha Rama./Opinion.al
