Kina vijon të japë lajme inkurajuese sa i takon situatës së koronavirusit.
Edhe pse Covid-19 e pati origjinën pikërisht në një nga provincat e këtij vendi, autoritetet shëndetësore kineze, bënë me dije se ditën e sotme bilanci nga koronavirusi është më i ulëti.
Sipas të dhënave të përditësuara, krahasuar me 24 orë më parë, në Kinë janë regjistruar vetëm 8 raste të reja me virusin e ri dhe 7 viktima, të gjitha këto në provincën e Hubei, përveç një rasti në Shandong.
Numri i pacientëve që kanë lënë spitalin është 1318, duke e çuar numrin e të shëruarve totalisht në 64 mijë osë përkthyer ndryshe 80% e të prekurve, shifër kjo që do të vijojë të rritet në ditët në vijim.
Kujtojmë se Kina prej disa ditësh shënon ulje drastike të numrit të të prekurve me koronavirus. Madje ka nisur të ofrojë ndihmë dhe për vendet e tjera që po kalojnë të njëjtën situatë dramatike, si Italia fqinje.
Vetëm një ditë më parë mbërriti në Itali një ekip mjekësh kinezë dhe medikamente për të ofruar asistencë në kalimin e këtyre ditëve./Opinion.al
