Në një kohë kur koronavirusi ka prekur pjesën më të madhe të botës, mes tyre dhe Shqipërinë, disa vende kanë marrë masa drastike kundra përhapjes së tij.
Kështu, Arabia Saudite deklaroi se do të vendosë gjoba deri në 133,000 dollarë nëse njerëzit nuk raportojnë në pikat kufitare informacionet e sakta mbi gjendjen e tyre shëndetësore dhe udhëtimet e fundit.
Reuters shkruan se ky është vetëm një prej vendimeve të marra nga ky vend i Gjirit Arab, për parandalimin e përhapjes së koronavirusit.
Mbretëria Saudita ka izoluar përkohësisht provincën e saj lindore, Katif, pasi 15 persona janë infektuar me Covid-19. Disa prej tyre nuk kanë treguar se kanë udhëtuar në Iran e Irak apo kanë qenë në kontakt me personat që kanë vizituar Republikat Islamike./Opinion.al
