Një 19-vjeçar është arrestuar nga Policia e Tiranës pasi akuzohet se ka shkatërruar stolat e stadiumit “Air Albania” dhe hodhi sende të forta në fushë gjatë ndeshjes Tirana-Kukësi. Policia njofton se në pranga ka rënë i riu i identifikuar me inicialet F. Z. banues në Tiranë.
Ndërkohë, autoritetet vijojnë punën për kapjen e personave të shpallur në kërkim dhe identifikimin e personave të tjerë që shkatërruan stola në stadium. Mbi 19-vjeçarin rëndojnë akuzat “Shkatërrimi pronës” dhe “Prishja e qetësisë publike”./ Opinion.al
