Lirimi i Viktor Ymerit, dajës së Edison Harizajt, nga Gjykata e Elbasanit është bërë pasi është marrë parasysh koha në të cilën ai ka punuar në burg.
Viktor Ymeri u lirua nga burgu në 27 dhjetor, 1 muaj e 23 ditë para përfundimit të dënimit të tij.
Ai ishte dënuar për vrasjen e Arben Pajës e Ilir Xhungës në vitin 1999 me 25 vite burg. Në vitin 2018 Gjykata e Apelit të Durrësit e dënoi atë me 25 vite burg duke mos e lënë në burgim të përjetshëm.
Ndaj tij më pas erdhi edhe një dënim nga gjykata e Romës ku Viktor Ymeri (Imeraj) është dënuar me 24 vite burg për vrasjen e Gëzim Muçës dhe plagosjen e Taulant Maskës, ngjarje kjo e ndodhur në Romë Itali në vitin 1996.
Të dyja këto dënime janë bashkuar në një nga Apeli i Durrësit, duke lënë në fuqi përfundimisht dënimin me 25 vite burg për Ymerin.
Më pas ai ka bërë kërkesë që ti njihen vitet e punës në burg për t’ju ulur nga dënimi. Kërkesë kjo e pranuar fillimisht nga prokurori në sallën e gjyqit në Gjykatën e Elbasanit. Por pasi atij ju njohën 5 muaj e 16 ditë burg të cilat do ti shkurtoheshin nga dënimi, prokurori i çështjes e ka apeluar këtë vendim.
Praktikisht, Ymeri duhej të lirohej nga burgu në shtator 2019, por kjo nuk ndodhi pasi atij nuk i ishin zbritur ditët e burgut nga puna që kishte bërë në burgun e Peqinit.
Ka qenë vendimi i datës 27 nëntor 2019 që i zbriti atij ditët e burgut për shkak të punës së bërë në burg që çoi në arsyetimin e gjykatës në 27 dhjetor për lirimin përfundimtar të Viktor Ymerit. /Opinion.al
