Ka ndërruar jetë në moshën 66-vjeçare, aktorja e njohur Eva Pëllumbi. Ajo jetonte prej 30 vitesh me familjen e saj në Gjermani ku dhe do t’i jepet lamtumira e fundit.
Ajo është e njohur për një sërë rolesh në filma artistik si “Vajzat me kordele te kuqe“, “Ëndërr për një karrige” dhe role episodike ne filmin “Kapedani“ dhe “Eja“. Pëllumbi është e njohur edhe për rolet e saj në Teatrin e Kukullave ku duhet përmendur roli i pavdekshëm i Pinokut, i cili ka mbetur në mendje të të gjithë fëmijëve te viteve 80-90, mbase edhe e prindërve te tyre.
Eva Pellumbi lindi me 28.03.1953 ne Tirane. Aktiviteti i saj ne skene filloi ne moshe te vogël ne pallatin e pionierëve. Me tej vazhdoi për kanto ne Liceun artistik dhe ne Akademinë e Arteve. Në moshën 17 vjeçare ishte pjese e skenës se Estradës, ku ne krah të Anita Takes debutoi me shume sukses si imitatorja e pare e skenës shqiptare.
Ajo punoi edhe ne kinostudio dhe u dha zërin e saj qindrave karaktereve te filmit vizatimor, nder to zërin e Çufos.
Në vitet 90 ajo u largua drejt Gjermanisë. Në një intervistë më vonë ajo theksoi se nuk u vlerësua asnjëherë.
“Mua në ato vite nuk më kanë vlerësuar, nuk më shënonin emrin në filmat multiplikativë, ku unë bëja zërin e personazheve. Ato vite dhe ai që priste kartonin e kishte emrin në filmat multiplikativ ndërsa unë jo. Kjo më rëndonte shumë. Nuk donin. Ishte një mentalitet i kohës” thoshte Pëllumbi.
2019 ka qenë një vit i trishtë për artin shqiptar, pasi ka marrë emra të njohur si; Shpresa Bërdëllima, Valentina Caci, Marika Kallamata dhe Mira Minga Jupi, por edhe parodistin e Vlorës, Muhamet Lika. /Opinion.al
