Partia Demokratike ka reaguar përsëri në lidhje me paketën “anti-shpifje”, e cila pritet që të kalojë në Kuvend nga Qeveria.
Në një deklaratë për mediat, ish-deputetja e PD-së Albana Vokshi, tha se tërheqja e mazhorancës nga ky projekt-ligj është shansi i fundit për të mos nxirë më shumë imazhin ndërkombëtar të Shqipërisë.
Albana Vokshi theksoi se paketa “anti-shpifje” ka si qëllim heshtjen e mediave online për të mos publikuar aferat korruptive të kryeministrit Edi Rama dhe familjes së tij.
“Këto janë orët e fundit që Edi Rama ka një shans për të mos nxirë edhe më shumë imazhin ndërkombëtar të Shqipërisë, si vendi ku media detyrohet me ligj të mbyllë gojën. Paketa e censurës ka si qëllim heshtjen e mediave online për të mos publikuar aferat korruptive të Edi Ramës, të ministrave, oligarkëve me të cilët pasurohet dhe të familjes së tij, që kontrollon cdo interes ekonomik në Shqipëri”, u shpreh Vokshi ndër të tjera./ Opinion.al
