Sizmologët por edhe psikologët iu bëjnë thirrje qytetarëve që të heqin nga telefonat e tyre celularë, aplikacionin që njofton për lëkundjet e tokës.
Pas tërmetit të fundit, atij rreth orës 2, që ishte ma magnitudë 4 i shkallës Rihter, sizmologu Llambro Duni thotë se nuk ka nevojë për panik.
Sipas tij pasgoditjet mund të vazhdojnë deri në tre muaj, dhe këto lëkundje janë një “zhvillim pozitiv” pasi po çlirohet energjia deri në qetësimin e pllakave tektonike.
“Absolutisht nuk ka vend për panik, është në logjikën e kësaj dukurie. Kemi përjetuar një tërmet shumë të fuqishëm të madhësisë 6.3 sipas magnitudës lokale, 6.4 sipas magnitudës së momentit dhe të gjitha pasgoditjet do të vinë gradualisht duke u shuar. Kjo mund të zgjasë edhe disa muaj dhe është krej normale”, thekson Duni.
Psikologët u kërkojnë qytetarëve që të heqin aplikacionet që tregojnë lekundjet e tokës nga telefonat e tyre pasi ndikon në rritjen e stresit./ Opinion.al
