Dy persona janë ndaluar nga policia në Belsh pasi dyshohet se kanë falsifikuar dokumentet e një prone.
Sipas njoftimit të bluve bëhet e ditur se 26-vjeçari me iniciuale A.D me detyrë topograf ka falsifikuar dokumentet e një prone të 60-vjeçarit me iniciale A. D.
Si pasojë ata janë duke u proceduar në gjendje të lirë, 26-vjeçari për veprat penale “Shpërdorim detyre”, dhe “Falsifikim i dokumenteve”, ndërsa 60-vjecari për “Falsifikim i vulave, stampave ose formularëve”.
Materialet hetimore i kaluan Prokurorisë pranë Gjykatës së Shkallës Parë Elbasan, për veprime të mëtejshme.
Njoftimi i Policisë:
Nga specialistët për Hetimin e Krimit Ekonomik e Financiar në Drejtorinë Vendore të Policisë Elbasan u proceduan penalisht në gjendje të lirë shtetasit:
A. D., 26 vjeç, banues në fshatin Deshiran, Belsh, me detyrë topograf, për veprat penale “Shpërdorim detyre”, dhe “Falsifikim i dokumenteve”.
A.D, 60 vjeç, banues në fshatin Kajan, Belsh, për veprën penale “Falsifikim i vulave, stampave ose formularëve”.
Procedimi ndaj tyre filloi pasi dyshohet se shtetasi A. D., me detyrë topograf pranë Bashkisë Belsh, ka falsifikuar dokumentet e një prone të shtetasit A. D.
Materiale hetimore i kaluan Prokurorisë pranë Gjykatës së Shkallës Parë Elbasan, për veprime të mëtejshme./Opinion.al/
