Sportdashësit që do të duan të ndjekin ndeshjen e Kombëtares ndaj Francës do të duhet të paguajnë për të ndjekur edhe për ndeshjen me Andorrën.
Në dyqanin zyrtar të Federatës së Futbollit janë publikuar cmimet të cilat variojnë nga 2000 deri në 7000 lekë për person. Shitja e biletave është me detyrim për të dyja ndeshjet. Nëse dikur do të jetë i pranishëm në “Arenën Kombëtare” për takimin me Francën, ai duhet të paguajë edhe biletën për takimin në Elbasan ndaj Andorrës.
Biletat më të lira për ndeshjen me Francën janë 1500 në zonën pas portës dhe kombinohen me biletat 500 lekë të ndeshjes ndaj Andorrës për një total prej 2000 lekësh.
Kosto më e shtrenjtë është ajo e biletave në vendet në tribunën karshi në ndeshjen me Francën, me kosto 5,000 lekë të kombinuara me bileta në vlerën 2000 lekë për sfidën me Andorrën. /Opinion.al
