Vetëm pak minuta reshje shiu kanë mjaftuar për të krijuar një situatë kaotike në rrugët e qytetit të Vlorës, të cilat u përmbytën nga uji.
Mësohet se disa nga rrugët e këtij qyteti qëndruan të përmbytura rreth një orë. Për pasojë rruga, në vendin e njohur si “Albano dhe Romina” ka pasur probleme në qarkullim.
Po ashtu reshjet e shiut kanë sjellë probleme dhe në akset lidhëse nga rruga Trasballkanike në drejtim të bulevardit, kryesisht “Veledin Kollozi” dhe Rruga “Kosova”.
Ndërkohë, në terren kanë shkuar punonjësit e ujësjellësit dhe kanalizimeve, të cilët po punojnë për të normalizuar situatën në qytetin e Vlorës./ Opinion.al
