Gjykata e Apelit në Vlorë ka lënë në burg biznesmenin Mihal Kokëdhima, i cili sulmoi familjen e turistëve spanjollë pranë lokalit të tij në Porto Palermo, që tashmë është prishur nga IKMT.
Mësohet se seanca ndaj Kokëdhimës është zhvilluar mëngjesin e sotëm me dyer të mbyllua. Kokëdhima u arrestua pas sulmit ndaj familjes së miliarderit spanjoll, Eugenio Galdón që kishte zgjedhur Shqipërinë për pushimet e verës.
Sipas dëshmive të bëra rreth kësaj ngjarje, turistët ngelën të pakënaqur nga shërbimi dhe u larguan, por pas kësaj, Kokëdhima i ka ndjekur nga pas dhe qëndroi për rreth 3 km i varur në makinën e tyre, duke thyer xhamat e mjetit ku udhëtonin turistët Spanjoll. Opinion.al E.Xh.
