Bashkimi Evropian duket se “nuk është i bindur” me propozimet e kryeministrit britanik Boris Johnson për daljen e Britanisë nga BE-ja apo për marrëveshjen e Brexit.Donald Tusk, presidenti i Këshillit të BE-së ka biseduar me kryeministrin e Irlandës, Leo Varadkar dhe të dy janë shprehur skeptik lidhur me propozimet e Johnsonit.
Presidenti i Këshillit të BE-së Tusk theksoi se mesazhi i tij për udhëheqësin irlandez ka qenë se BE-ja “qëndron plotësisht pas Irlandës”.
Një nga çështjet kryesore që e pengon marrëveshjen është e ardhmja e kufirit midis Irlandës Veriore, e cila është pjesë e Mbretërisë së Bashkuar dhe do ta linte BE-në me pjesën tjetër të vendit dhe Republikës së Irlandës, e cila është pjesë e BE-së.
Në propozimin e kryeministrit britanik thuhet se Irlanda e Veriut do të vijoi të jetë pjesë e tregut të Bashkimit Evropian për mallrat, por do ta largohej nga bashkimi doganor.
Mosmarrëveshjet vazhdojnë për mënyrën se si do të duket kufiri midis Irlandës dhe Irlandës Veriore.Ndërkohë lidhur me këtë çështje do të vijojnë bisedimet në Bruksel do të vazhdojnë sot.
Britania do të largohet nga BE-ja më 31 tetor nëse nuk kërkon zgjatje të afatit.Johnson është shprehur vazhdimisht se nuk do të kërkojë shtyrje të afatit dhe se Brexit-i do të ndodhë në fund të këtij muaji, me ose pa marrëveshje.
Megjithatë Parlamenti britanik ka votuar për të bllokuar Brexit-in pa marrëveshje.Sipas kritikëve largimi nga BE-ja pa marrëveshje mund të ketë pasoja shkatërruese për Britaninë./Opinion.al/
