Demokrati Berni Sanders, njëri ndër kandidatëve kryesor për të fituar zgjedhjet presidenciale që do të mbahen më 3 nëntor të vitit 2020 në Amerikë, do të anulojë turin elektoral deri në një njoftim të dytë për shkak të disa problemeve shëndetësore.
Sanders pati një dhimbje të papritur në gjoks gjatë fushatës në Las Vegas, Nevada, dhe u detyrua që të shtrohet në spital.
Këshilltari i tij i Lartë Jeff Weaver, ka njoftuar se 78-vjeçari ka bërë një operacion pasi ka pasur bllokim në arterie dhe se për momentin fushata e tij është anuluar.
“Pas vlerësimit dhe testimit mjekësor, atij iu gjet se kishte bllokim në një arterie dhe dy stente në të cilat ka pasur ndërhyrje me sukses. Të gjitha aktivitetet e parashikuara në ditët në vazhdim janë anuluar dhe do iu mbajmë në kontakt për zhvillimet e reja.” tha Weaver.Xh
Gjatë deklaratës këshilltari shtoi se Sanders është në gjendje që të bisedojë dhe shumë optimist por do të pushojë gjatë ditëve të ardhshme.
Sondazhet kanë treguar se Sanders është i treti në garën demokratike pas senatores së Masaçusets Elizabeth Warren dhe ish-zv/presidentit Joe Biden.
