Sekretari Organizativ, Sahit Dollapi ka folur në lidhje me situatën politike në vend. Gjatë një interviste televizive, Dollapi është shprehur se Partia Demokratike është e gatshme në çdo kohë të përballen në zgjedhje të parakohshme parlamentare dhe lokale.
Ai thekson se PD fiton zgjedhjet nëse ato zhvillohen sipas standardeve dhe të jenë të lira dhe të ndershme. Sekretari Organizativ ka thënë gjithashtu se PD nuk ka pushuar as gjatë muajit gusht, pasi ka punuar për të forcuar fizionimë elektorale të Partisë Demokratike.
“PD ka një strukturë gjigande me 71 degë brenda vendit, 6 degë jashtë vendit, 872 grupseksione dhe mbi 5700 seksione, që korrespondojnë me qendrat e votimit dhe ku është bërë një lunë kolosale për një organizim më të mirë, për identifikimin e çdo resursi dhe aktivizinin në çdo kohë për përballjen elektorale. Qëllimi kryesor i kësaj pune të jashtëzakonshme është përgatitja e partisë për zgjedhje të parakohshme parlamentare dhe lokale në të njëjtën ditë. Në synojmë që këto të jenë zgjedhje të lira e të ndershme, ku përballja të jetë për alternativën më të mirë dhe jo për të fortin, kriminelin apo banditin e rradhës.”- është shprehur Sahit Dollapi.
Sekretari organizativ i PD, ka theksuta se forca e tij politike ndihet e detyruar që tu sjellë qytetarëve të vendit një qeveri e cila do të punojë për ta dhe jo për interesa personalë apo kriminale.
“Për ta arritur tek zgjedhjet e lira e të ndershme duhet dekriminalizimi i politikës nga të emëruarit e krimit dhe nga të korruptuarit. Dua të sjell në vëmendje se përveç të rinjve që shkollohen dhe lunojnë këtu, janë me mijëra të rinjtë që po shkollohen jashtë vendit dhe ata duan njerëz të pastër më drejtimin e vendit, duan që qeveritarët të punojnë në interes të tyre duke iu përgjigjur edukimit perëndimor që ata marrin jashtë vendit.”- ka thënë Dollapi.
Po ashtu, ai ka folur dhe në lidhje me raportin OSBE/ODIHR-it, për zgjedhjet e 30 qershorit, duke theksuar se vendi po shkon drejt shkatërrimit ekonomik dhe se për këtë arsye janë të nevojshme zgjedhje të lira dhe të ndershme.
“Kjo qeveri, që i ka bërë vendit dëme të mëdha, duhet të marrë fund. Vendi ka nevojë jetike për një qeveri tranzitore pa Edi Ramën kryeministër, që t’u garantojë shqiptarëve të drejtën themelore për të zgjedhur vetë qe qerinë që duan. Në çdo kohë që kjo të vijë, PD dhe strukturat e saj janë gati të ndezin motorrët e fitores”- ka thënë Sahit Dollapi./ Opinion.al E.Xh.
