18 persona kanë mbetur të vdekur dhe 145 të tjerë u plagosën nga shpërthimi i një makine bombë në Kabul të Afganistanit.
Mësohet se shpërthimi ka ndodhur para një stacioni të policie. Zëdhënësi i ministrisë së Brendshme, Nusrat Rahimi, u shpreh se mes viktimave të këtij shpërthimi kishte gra dhe fëmijë.
Ndërkohë, përmes një deklarate, talibanët kanë marrë përgjegjësinë e sulmit duke thënë se njëri nga sulmuesit vetëvrasës që e kreu sulmin kishte në shënjestër një “qendër rekrutimi”.
Kujtojmë se, pavarësisht bisedimeve për paqe mes talibanëve dhe Shteteve të Bashkuara, nuk ka pasur asnjë ulje të nivelit të dhunës në Afganistan./ Opinion.al E.Xh.
