Të paktën tre persona janë vrarë dhe 12 të tjerë janë plagosur në një festival të ushqimit në Kaliforni, i njohur si “Festivali i Hudhrës”, ku një person i paidentifikuar ka qëlluar me armë zjarri ndaj njerëzve, shkruan BBC.
Këshilltari i qytetit Gilroy, Dion Bracco, është shprehur se këto të dhëna janë paraprake.
Agjentët nga Byroja Federale, për alkool, duhan, të shtëna me armë zjarri dhe mjete shpërthyese kanë shkuar në vendin e ngjarjes.
Një dëshmitar i ka thënë televizionit NBC se personi që e ka sulmuar ka qenë një mashkull i bardhë rreth 30 vjeç.
Në një video të publikuar në rrjetet sociale shihen njerëzit dhe duke vrapuar për të gjetur ndonjë vend të sigurt.
I organizuar për herë të parë më 1979, Festivali i Hudhrës në Gilroy, ka qenë në përfundim të ditës së tretë dhe të fundit për këtë vit.
Ai njihet për akullore me hudhër, gara me ushqim dhe muzikë argëtuese.
Ky festival organizohet nga vullnetarë të komunitetit, të cilët mbledhin të donacione për shkollat lokale, bamirësi dhe organizata joqeveritare.
