Pas përfundimit të procesit të votimit, mes KQZ-së që ka një shumicë të majtë dhe Partisë Demokratike ka nisur përplasja e parë.
Sipas të dhënave më të fundit, ora 18:00, pjesëmarrja më e ulët është shënuar në Durrës e Kavajë, ku kanë marrë pjesë në votime vetëm 8% e votuesve, ndërsa përqindjen më të lartë është shënuar në Pustec, ku kanë marrë pjesë 49,8% e votuesve. Në total sipas KQZ-së kanë marrë pjesë 19.4% votues, ose
Në Tiranë, shifrat paraprake flasin për 15% pjesëmarrje, ndërsa në Shkodër 13,8%.
Qarku BERAT: Berat 17%; Kuçovë 21%; Poliçan 32,3%; Skrapar 32%; Ura Vajgurore 21%;
Qarku DIBËR: Bulqizë 17%; Dibër 18%; Klos 25%; Mat 19%
Qarku DURRËS: Durrës 8%; Krujë 20,9%; Shijak 12%
Qarku ELBASAN: Belsh 25,2%; Cërrik 15,3%; Elbasan 19,7%, Gramsh 31,2%; Librazhd 30,6%; Peqin 16%; Përrenjas 27,2%
Qarku FIER: Divjakë 28,6%; Fier 23%; Lushnjë 24%; Mallakastër 19,4%; Patos 22%; Roskovec 28%
Qarku GJIROKASTËR: Dropull 15%; Gjirokastër 22,6%; Këlcyrë 27,1%; Libohovë 19,8%; Memaliaj 23,5%; Përmet 26,3%; Tepelenë 32,5%
Qarku KORÇË: Devoll 21,2%; Kolonjë 25,3%; Korçë 23%; Maliq 29,7%; Pogradec 18%; Pustec 57,5%
Qarku KUKËS: Has 25%; Kukës 24,8%; Tropojë 20%
Qarku LEZHË: Kurbin 11,1%; Lezhë 14%; Mirditë 14,2%
Qarku SHKODËR: Fushë – Arrëz 22%; Malësi e Madhe 11,7%; Pukë 20%; Shkodër 13%; Vau i Dejës 12%
Qarku TIRANË: Kamëz 8,7%; Kavajë 8%; Rrogozhinë 15%; Tiranë 15%; Vorë 13%
Qarku VLORË: Delvinë 14,8%; Finiq 11,4%; Himarë 16%; Konispol 28,5%; Sarandë 14,6%; Selenicë 21,3%; Vlorë 16,4%
Por këto shifra kanë sjellë dhe reagimin e PD-së. Sekretari për Çështjet Zgjedhore në PD, Ivi Kaso tha se KQZ ka manipuluar të dhënat, pasi në votime kanë marrë pjesë vetëm 15% e votuesve.
“KQZ mashtroi shqiptarët dhe partnerët për numrin e vërtetë të të gjithë atyre që kane votuar gjatë gjithë ditës deri në fund të farsës. Nga Monitorimi i të gjitha qendrave të votimit, deri në mbylljen e tyre në orën 19:00 ka rezultuar se pjesëmarrja faktike në ranga vendi është 15 për qind.”
PD paralajmëroi “kamikazët politikë në KQZ se do të mbajnë përgjegjësi për falsifikimet që kanë kryer.” Kaso përmendi edhe për një sërë shkeljesh si“votuesit shëtitës, blerja e votave dhe mbushja e kutive, komisionet e votimeve me 1 anëtar, votime në grup dhe votime të hapura, shantazhe dhe mbushje fiktive e listës së votuesve me emrat e kandidatëve” / Opinion.al
