Prej disa kohësh marrëdhëniet ekonomie mes Shqipërisë dhe Kosovës nuk po shkojnë mirë.
Endrit Shala, ministri i Tregtisë dhe Industrisë gjatë një takimi në Prishtinë lidhur me taksën 100% ndaj Serbisë dhe Bosnje e Hercegovinës, është shprehur se Kosova mund të vendos taksa dhe për vende të tjera të rajonit.
Ministri Shala ka përmendur Shqipërinë dhe Maqedoninë e Veriut, si dy shtete që kanë një klimë jo të mirë ndaj prodhuesve kosovarë për shkak të disa taksave të vëna ndaj tyre.
Sa i përket Maqedonisë Veriore, ministri tha se shqetësimi kryesor i prodhuesve kosovarë është ndalimi i eksportimit të prodhimit të lëndës së parë të peshkut.
Ministri i Tregtisë dhe Industrisë nuk përmendi ndonjë datë fikse se kur mund të merren masat ndaj Shkupit dhe Tiranës./ Opinion.al E.Xh.
