Në një situatë të tensionuar anë e mbanë Shqipërisë, Komisioni Ligjeve pranoi dhe votoi pro amendamentit të deputetit Ervin Bushati për ndryshimet në kodin e procedurës penale për krimet zgjedhore.
Deputeti socialist ka kërkuar ashpërsimin e kodit penal, duke shtuar se personi që cenon zgjedhjet e lira dhe sistemin demokratike, do t’i ndalohet dalja jashtë territorit të Shqipërisë për 5-10 vjet.
Ky ligj do të hyjë në fuqi 15 ditë pas botimit në “Fletoren Zyrtare”.
Një gjë e tillë është konfirmuar edhe nga kryeministri Edi Rama gjatë një takimi me banorë të njësisë administrative nr. 1 Tiranë., tha se nuk do lejohet të dalin nga vendi 5-10 vite kush kryen krim elektoral;
“Kjo masë do të kalojë nesër në Parlament dhe se e gjithë kjo rrëmujë bëhet nga frika e reformës në drejtësi. Keqardhje për ata që i ndjekin se po përfundojnë burgjeve. Shkojnë në burg për Lulin dhe për fallxhoren. Këta të fundit nxisin njerëzit të bëjnë rrëmuja, vetë flenë në shtëpitë e tyre”, tha Kryeministri.
https://www.facebook.com/opinioni.al/videos/2057260357909188/
Kjo ka qenë situata gjatë paradites në Burrel, ku qytetarët u përplasën me policinë për lirimin e KZAZ-së. Përshkallëzimi i tensionit bëri që në ndihmë të forcave të rendit të vinin forcat RENEA. Nga përplasja raportohet për disa të plagosur. Gjatë paradites incidente raportohet të ketë patur edhe në Kamzë./ Opinion.al
