Pas çdekretimit të datës së zgjedhjeve nga presidenti Ilir Meta, Partia Socialiste tha se ka nisur proceduarat për shkarkimin e tij.
Ish-deputeti Enkelejd Alibeaj deklaroi se janë gjashtë hapa procedurialë për të shkarkuar një president.
Po ashtu, ai tregoi dhe pse Meta nuk mund të shkarkohet nga Partia Socialiste, pasi nuk ka shkelur kushtetutën.
“Hapi i parë mblidhen firma të disa deputetëve. Hapi i dytë çështja kalon në komisionin e ligjeve. Komisioni ka detyrimin të thërrasë Presidentin e Republikës. Do duhet edhe ta dëgjojnë palën në këtë rast. Hapi i tretë, do duhet nëse arrin komisioni i ligjeve në një konkluzion të ngrejë një komision hetimor. Komisioni hetimor do duhet të hetojë faktet, të mbledhë të dhëna dhe në fund të nxjerrë me një konkluzion dhe ai, të propozojë shkarkimin apo jo. Hapi i katërt do duhet që ky propozim të shkojë në seancë plenare, hapi i pestë duhet votuar me 1 të 3 e deputetëve dhe e fundit, çështja duhet të shkojë në Gjykatën Kushtetuese përsëri”, tha Alibeaj gjatë rubrikës “Mbrëmje ABC” me Mirela Milorin. Presidenti i Republikës nuk mund të shkarkohet pse ja ka qejfi një mazhorance. Mundet vetëm për dy shkaqe, ose kryen një krim ose shkel në mënyrë të rëndë Kushtetutën. Këto janë dy çështje që në analizë të fundit shkojnë te Gjykata Kushtetuese, kur të ekzistojë”, tha ish-deputeti./ Opinion.al E.Xh.
