Kreu i opozitës Lulzim Basha komentoi mes protestuesve, para Kryeministrisë, vendimin e presidentit Ilir Meta për të anuluar datën e zgjedhjeve lokale, 30 qershorin.
Lulzim Basha: Mirë se keni ardhur në bashkimin më të madh popullor që ka njohur Shqipëria. 6 netë më parë u zotova para jush se nuk kisha më fjalë dhe arsye për fjalë, ndaj më lejoni të shpjegoj para jush dhe gjithë shqiptarëve pse po e marr fjalën para jush dhe gjithë shqiptarëve, arsyen pse po e marr fjalën sot. Arsyeja është sepse kjo javë e mbushur me zhvillime të jashtëzakonëshme në Shqipëri, në Gjermani, në Europë, të cilat janë të lidhura drejtëpërdrejt me fatin e vendit tonë, me rrugën tonë drejt Europës, kanë marrë një kthesë. Ndaj më lejoni ta nis duke ju falenderuar ju vëllezër dhe motra që jeni forca e panbdalëshme e ndryshimit që po vjen. Ju jeni fuqia, ju jeni forca. Në këto momente që po flas, ashtu siç e keni dëgjuar, falë vendosmërisë tuaj të pathyeshme falë bashkimit më të paparë të mendjeve e zemrave të shqiptarëve të lirë, presidenti i republikës ka marrë vendimin për anulimin e 30 qershorit, datës së planifikuar nga regjimi kriminalo autokratik i bands së Edi Ramës për të ekzekutuar krimin e shëmtuar elektoral, për të kapur përmes një procesi monist antikushteutes, antielektoral, antiligjor dhe kriminal, pushtetin vendor. Vëllezër dhe motra kjo është vetëm rezultat i forcës tuaj të pathyeshme, i qëndresës tuaj i besimit tuaj të palëkundur tek vlerat evropiane, të lirisë, të demokracisë, të dinjitetit.
Por sipas tij kjo lëvizje e presidentit, nuk është fundi i betejës së opozitës.
Lulzim Basha: Nuk është fundi i betejës sonë. Nuk është aspak fundi i betejës sonë, është vetëm një rezultat i qëndresës së një populli të bashkuar të një populli për një Shqipëri si gjithë Evropa.
Protesta/ 1700 policë në terren. PD: Ja sa protestues ka nga rrethet
E gjithë Policia e Shtetit është në gatishmëri për protestën e 8 kombëtare të opozitës. Për mbarëvajtjen e saj do të angazhohen 1700 forca. Kryeministria, Parlamenti dhe Ministria e Brendshme do të jenë të rrethuara me kordon policie. Brenda këtyre selive do të jenë forcat speciale dhe punonjës të Gardës. Ndërkohë para parlamentit janë vendosur gjatë mbrëmjes prozhektorë të mëdhenj.
Nëpër shtylla pranë institucioneve janë vendosur kamera me rezolucion të lartë, për identifikimin e personave që mund të ushtrojnë dhunë. Ndërsa oficerë të tjerë do të jenë të angazhuar për të identifikuar persona të cilët mund të mbajnë maska, apo hedhin mjete piroteknike në drejtim të policisë.
Ndërkohë sipas PD-së, 26 mijë protestues nga 4 qarqet e veriut pritet të jenë në protestë. Sipas përllogaritjeve të PD-së, nga Kukësi raportohen 4500 protestues që janë nisur me autobusë dhe mjete private, nga Shkodra raportohen 9900 protestues, nga Dibra 3900 protestues kurse nga Lezha 7700. Po ashtu kjo forcë politike, thotë se 18 mijë protestues pritet të vijnë në Tiranë nga 4 qarqet e jugut të vendit.
Njësoj si që nga 16 Shkurti, kërkesa kryesore e protestave të opozitës është largimi i kryeministrit Edi Rama dhe hapja e rrugës për një qeveri tranzitore, që sipas tyre, do të garantojë zgjedhje të lira e të ndershme./ Opinion.al
