Policia italiane ka kryer disa arrestime këto ditë në rajonin e Emilia Romanas dhe Xhenovës. Nga mediat lokale bëhet e ditur se kemi të bëjmë me disa banda shqiptare që akuzohen për trafik droge, prostitucion dhe vjedhje automjetesh.
Policia italiane në Modena ka rënë në gjurmë të dy bandave shqiptare që akuzohen për trafik ndërkombëtar droge dhe shfrytëzim prostitucioni. Të dy bandat ishin bërë më herët protagonistë të kronikës së zezë në Itali për një shkëmbim zjarri mes tyre në 5 Prill 2018. Ata numëronin disa qindra klientë droge në rajon dhe rreth 20 vajza nga Europa Lindore të cilat shfrytëzoheshin për prostitucion. Xhiroja e fitimit e dy grupeve kapte shifrat e më shumë se 180 mijë euro në muaj.
Tridhjetë hetues nga Skuadra Flying me njëzet policë të tjerë nga Departamenti i Policisë, pesë ekuipazhe të Departamentit të Parandalimit të Krimit, si dhe Policia Shkencore, stafi i Volantit dhe Departamenti i Fluturimit në Bolonjë, kanë ndërhyrë për të ndërprerë aktivitetin e dy bandave.
Ndërkohë në Xhenova janë gjetur më shumë se 3 kilogramë kokainë në dyert e një furgoni. Për këtë ngjarje policia italiane ka arrestuar dy shtetas shqiptarë të moshës 30 dhe 35 vjeç, njeri prej të cilëve ishte dëbuar nga Italia dhe nuk kishte të drejtë të hynte në vend deri në vitin 2022.
Në furgon ndodhej vetëm 30 vjeçari Aurel Hasanaj, ndërsa në apartamentin që ai ndante me shokun dhe bashkëpunëtorin e tij u gjet dhe 35 vjeçari Meti Lika. Ky i fundit njihej si tregtar automjetesh për në Shqipëri. Lika dyshoht se vidhte automjete e më pas i shiste ato. Atij iu gjetën gjithashtu 50 gramë kokainë dhe mjete për paketimin e saj.
Policia italiane konfirmoi se dy shtetasit shqiptarë janë pjesë e një organizate kriminale që veprojnë në shkallë të gjerë. Hetuesit po punojnë për zbulimin e anëtarëve të tjerë të organizatës. /Opinion.al
