Presidenti i Shteteve të Bashkuara, Donald Trump tha se Meksika nuk po bën anjë lëvizje për të ndalur migrantët e jashtëligjshëm të cilët arrijnë në kufirin jugor me Shtetet e Bashkuara, teksa ashpërsoi tonet kur tha se Meksika është gabim dhe shumë shpejt do të përgjigjet për këtë.
“Qëndrimi i Meksikës është se njerëzit nga vende të tjera, përfshirë Meksikën, duhet të kenë të drejtën të hyjnë në SHBA dhe që taksapaguesit amerikanë duhet të jenë përgjegjës për shpenzimet e mëdha që lidhen me migrimin ilegal. Meksika është gabim dhe së shpejti do të japë një përgjigje”, shkroi Trump në një postim në Twitter.
Meksika është nën presion nga administrata Trump për të ndaluar njerëzit që të mos i drejtohen kufirit jugor. Presidenti amerikan ka kërcënuar me mbyllje të kufirit nëse Meksika nuk bën më shumë për të ndaluar migrantët pa dokumente që duan të jetojnë e punojnë në SHBA./Opinion.al
