Ish-kryeministri, Sali Berisha përpara protestës ka treguar arsyet pse opozita dogji mandatet. Në një takim me të rinjtë e EDS (European Democrat Students) ai tha se ata nuk kishin një rrugë tjetër. Por cila ishte arsyeja më kryesore?
“Ishte një vendim ekstrem. Por çfarë e shtyri këtë. Dy faktorë kryesorë, Shqipëria sot është i vetmi vend të botë me sistem drejtësie dy shkallësh. Edhe diktaturat mbajnë sistem tre shkallësh, këtu u përdor reforma në drejtësi që të shkatërrohet Gjykata Kushtetuese, që ka funksion kryesor mbrojtjen e Kushtetues nga mazhoranca. Se ajo i ka të gjitha mjetet që ta dhunojë kushtetutën. Në politologji, ajka e ajkave kjo quhet grusht shteti brenda shtetit. Ne në parlament nuk kishim vota për të bllokuar ligje apo rezoluta, por ne si opozitë e një vendi të lirë kishim të drejtë që çdo ligj ta çonim në gjykatën kushtetuese. Pastaj paralizoi gjykatën e lartë”, theksoi Berisha.
Por çfarë ka arritur opozita me protestat? Sipas ish-kryeministrit deri tani është arritur që mediat ndërkombëtare të jenë me opozitën. Po ashtu sipas tij dhe disa politikanë në Berlin janë rreshtuar në krah të opozitës.
“Kjo betejë nuk ka kthim, është rrugë pa kthim deri në fitoren e vlerave që mbizotërojnë në vendet tuaja”, theksoi Berisha. /Opinion.al
