Cikloni tropikal “Fani” goditi bregun lindor të Indisë këtë mëngjes me shira të forta dhe erëra që shkojnë deri në 205 kilometra në orë, ndërsa rreth 1.2 milionë njerëz u evakuuan në shtetin e Odishës.
“Fani” ka goditur të gjithë qytetin turistik të Pirit, ku sipas parashikimeve erërat do të vazhdojnë të jenë të forta edhe në orët në vazhdim. Deri më tani nga pamjet ajrore mësohet se shumë zona janë përmbytur, mijëra pemë janë çrrënjosur, janë rrëzuar shtyllat elektrike si dhe një numër i madh shtëpish janë shkatërruar plotësisht.
Banorët po strehohen përkohësisht në 4 mijë banesa dhe mbi 800 qendra akomodimi të projektuara posaçërisht kundër cikloneve.
Stuhia e ka origjinën nga Bregu i Bengalit ku ndër vite janë formuar disa nga ciklonet më të fuqishme në historinë e vendit, përfshirë ai i vitit 2008, i cili vrau mbi 138 mijë persona në shtetin e Mianmarit, ndërsa “Fani” është cikloni i katërt që godet brigjet lindore të Indisë në tri dekadat e fundit.
Periudha e cikloneve në Indi shpesh nis në muajin prill dhe mund të zgjasë deri në dhjetor./Opinion.al
