Kryetari i Partisë Republikanë Fatmir Mediu dhe ai i PBDNJ-së Vangjel Dule kanë folur për mediat pas nënshkrimit të marrëveshjes me Partinë Demokratike.
Mediu, i cili ishte i pari që firmosi marrëveshjen me Lulzim Bashën, tha se qëllimi i kësaj aleance është krijimi i një marrëdhënieje të qëndrueshme të opozitës, për të mos lejuar zgjedhjet farsë.
“Benjamin Franklin thotë se kur padrejtësia bëhet ligj, rezistenca është detyrë. Marrëdhënia është një detyrë për të penguar zgjedhjet farsë, shkatërrimin e opozitarizmit dhe ne kemi përpara një marrëdhënie një raport të ri politik dhe elektoral është instrumentalizimi i një marrëdhënie të qëndrueshme të opozitës për të mos lejuar zgjedhjet farsë dhe shkatërrimin e institucioneve”, tha kreu i Partisë Republikane.
Nga ana tjetër, Vangjel Dule kërkoi ndihmën e qytetarëve, që të kundërshtojnë çdo ditë qëndrimin e Edi Ramës në pushtet.
“Zhvillimet politike në vendin tonë, shkojnë në një stad tjetër cilësor. Kemi një artikulim me një axhendë të caktuar, përtej interesave partiake dhe prekin thelbin për shtetin e të drejtës, që mbetet kostum bosh që nuk mbështet në respektimin e të drejtës themelore të votës. Qytetarë, reflektoni, e keqja është e përbashkët për të gjithë ne, prandaj duhet të largojmë Ramën”, tha Vangjel Dule.
Sot Partia Demokratike nënshkruan marrëveshjet me aleatët e saj, për krijimin e një fronti opozitar që nuk do të lejojë “mbajtjen e zgjedhjeve farsë” me Edi Ramën./Opinion.al
