Këngëtari i njohur, Louis Tomlinson, shkroi një mesazh prekës për ndjekësit e tij dhe u zotua se ka kthyer faqe, dhe tani e tutje do të jetojë vetëm momentin. Kujtojmë se ky reagim i shumëpritur nga fansat, vjen pasi ai humbi të motrën, e cila u gjet pa ndjenja në shtëpinë e saj më 13 mars, si pasojë e një ataku kardiak, ndërkohë që dy vite më parë Louis ka humbur edhe nënën e tij, e cila vuante nga leuçemia.
“ Kohët e fundit dikush ka thënë diçka shumë interesante lidhur me faktin se njerëzit përqendrohen në ‘fundin e lojës’ pa e shijuar atë. Kam menduar shumë se çfarë do të thotë suksesi për mua, por ndjehem sikur e kam përkthyer gabim atë për 3 vitet e fundit. Kam kaluar kaq shumë kohë duke punuar në album, duke u përpjekur të futem në 40 më të dëgjuarit, kur në të vërtetë ndoshta duhet të filloj të bëj atë që unë dua.
Gjatë javëve të fundit kam vënë shumë gjëra në perspektivë dhe në fakt ajo që duhet të bëj është të shqetësohem më pak për përcaktimin e suksesit komercial. Unë jam këtu për të bërë muzikën që dua dhe për t’i bërë fansat e mi krenarë. Po kthej një faqe të re sot. Shijoni të sotmen dhe shijoni udhëtimin!”, shkroi Louis Tomlinson.
Pak ditë më parë përmes një postimi në Twitter, këngëtari Tomlinson falenderoi fansat që shprehnin shqetësim për gjendjen e tij shpirtërore.
“Dëshiroja t’ju falënderoja të gjithëve për fjalët tuaja të bukura gjatë dy javëve të kaluara. Shumë dashuri për ju”, shkroi ai, por pa u zgjatur në detaje të tjera.
Tomlinson i dedikoi nënës së tij një këngë të cilën e kishte publikuar vetëm dy ditë përpara se e motra të ndërronte jetë./Opinion.al
