Këngëtarja nga Kosova Filloreta Raçi e njohur me emrin e artit Fifi ka shprehur përmes një postimi në rrjete sociale vështirësitë që ka patur kur ka qenë studente në Prishtinë. Ajo ka rrëfyer se shpesh është ndjerë e poshtëruar dhe e injoruar.
“Duke ecur rrugëve të Prishtinës, si njëherë kur kam qenë studente, kur nuk përtoja as edhe një moment të punoja për të bërë diçka për jetën time. Ato momente mu kthyen si Dejavu kur i thashë vetes hajt ec përpara në qytet si një farë vakti. Aq e vogël u ndjeva, ndërkohë që të ma thirrin emrin e që t’më njohin kam luftuar gjithë këto vjet. Po takoj fytyra që jam rritur fizikisht me ta në prezencë e që më kanë poshtëruar me fjalë dikur e më kanë injoruar sikur të mos isha qenie njerëzore.. ama unë u ndjeva krenare me veten që kam luftuar me shpirt e tru edhe jam ku jam sot.. në këtë rrugëtimin tim s’jam vetë ama shpirtin tim nuk ma ka bërë askush”,-është shprehur këngëtarja në rrjete sociale.
Sa i përket anës profesionale ajo është në një çast shumë të mirë të karrierës. Vetëm pak ditë më parë ka publikuar klipin e saj më të ri “Akoma”./Opinion.al/
