Ministri i Brendshëm i Italisë, Matteo Salvini, ka reaguar me tone të ashpra ndaj tre të rinjve të akuzuar për përdhunimin në grup të një turisteje 19-vjeçareje. Ai bëri thirrje që tre të rinjtë e akuzuar të kastrohen kimikisht, nëse shpallen fajtorë.
Salvini shkroi në Twitter: -“Asnjë lehtësim për krimbat ngacmues që përdhunuan një turiste. Tu jepet dënim i merituar dhe kastrim kimik! ‘
Kastrimi kimik bëhet nga shfrytëzimi i barërave dhe substancave kimike të cilat “vrasin” seksualitetin dhe libidon, pa përdorur sterilizim apo heqjen e organeve.
Kujtojmë se Roberto Mirabellan, 20 vjeç, Salvatore Castrogiovannin, 19 vjeç dhe Agatino Spampinaton, 19 vjeç, akuzohen se e kanë joshur vajzën në një bar në Catania, në bregun lindor të Sicilisë, përpara se ta përdhunonin në makinë dhe të filmonin skenën. Ngjarja ka ndodhur me 15 mars, dhe policia identifikoi tre të dyshuarit pasi njëri nga djemtë i dërgoi viktimës një video të sulmit seksual.
Vajza amerikane, e cila ishte në qytet prej tre muajsh, është kthyer tani në vendin e saj por ngjarja ka tronditur rëndë opinionin publik./Opinion.al
