Kryetari i Bashkisë se Tiranës, Erion Veliaj i ftuar në “Vizion Plus”, ka folur në lidhje me marrëdhënien e tij me kryeministrin Edi Rama.
Ai ka mohuar zërat që mes kryeministrit dhe kreut të bashkisë së Tiranës ka pasur debate të ashpra, duke u shprehur se mes tyre ka një sinergji për të punuar për kryeqytetin dhe Shqipërinë.
Veliaj tha në fushatë është argëtuar shumë me Ramën, duke shtuar se mes tyre komunikonin dhe me mesazhe.
“Ne s’kemi pasur hezitime, donim ta fokusonim te 100 ditët e fundit gjithë organizimin zgjedhor. Ka ende bashki ku nuk janë caktuar kandidatët, por në Tiranë e respektuam 100 ditëshin me 100 kandidatët. Fushata më e mirë është puna që njeriu bën çdo ditë. Për të gjitha këto arsye, edhe unë, edhe Edi jemi argëtuar jashtë mase, shpesh herë duke çuar sms njëri-tjetrit.
Besoj kemi patur një sinergji shumë të mire bashkë me qeverinë, të paktën për menaxhimin e situatave, si për shembull kjo me studentët. Bashkia kishte pjesën e konvikteve, që jemi duke i realizuar. Në këshill, Bashkia i ka miratuar 40 shërbime që studentët i marrin me ulje, me kartën e studentit. Një konvikt në Qytetin Studenti ka 140 dhoma, sa një hotel, dhe rikonstruksioni i godinave do pak kohë. Por puna po vijon. Për gjërat që premtojnë impakt, bashkia ose i ka në proces ose i ka projekt”, tha Veliaj./ Opinion.al E.Xh.
