Largimi i Britanisë së Madhe nga BE, ka ngjallur një debat të fortë jo vetëm në politikën europiane, por dhe në politikën e brendshme britanike.
Në një peticion online për të bllokuar largimin e Birtanisë së Madhe nga Bashkimi Europian, ka mbledhur deri tani 3.5 milionë firma. Ndërkohë që presidenti i Këshillit Europian Donald Tusk shprehet se deri në 12 prill mund të ndodhë çdo gjë, e që shpresa vdes e fundit.
Mes personave të cilët kanë shprehur bindjen e tyre që Britania të qëndrojë në Bashkimin Europian janë dhe personalitete të fushave të ndryshme të cilët kanë ndikim dhe në masën e popullsisë britanike. Dy nga personat e famshëm që kanë dalë kundër largimit të Britanisë nga BE janë aktori Hju Grent dhe këngëtarja Ani Lenoks e grupit “Eurythmics”.
3.5 milionë të mbledhura gjatë peticionit lexohet si një sukses i padiskutueshëm pasi kjo shifër nuk pritej vetëm tre ditë pas publikimit të tij.
Një rezultat që vë dhe më shumë në dukje pasiguritë që janë krijuar në Mbretërinë e Bashkuar për sa i përket daljes nga BE.
Në Britaninë e Madhe në mënyrë që një peticion të shtrohet për diskutim në parlamentin e vendit duhet të kalojë pragun e 100 mijë firmave, prag ky i kaluar dukshëm.
Nga ana tjetër, Presidenti i Këshillit Europian Donald Tusk, shprehet se largimi i i Britanisë së Madhe nga BE është në dorë të qytetarëve britanikë./ Opinion.al. E.Xh./
