Kryetarja e Lëvizjes Socialiste për Integrim, Monika Kryemadhi ka uruar festën e Sulltan Novruzit. Ajo është pyetur nga gazetarët lidhur me aktualitetin politik, për të cilin tha se djegia e mandateve është shenja e dashurisë për kombin.
“Dashuria për kombin është djegia e mandateve që bëri opozita, sepse ajo tregoi ndarjen përfundimtare nga çdo Pazar dhe vendos shinat dhe kornizat e dialogut. Djegia e mandateve opozita tregoi se gjërat duhen vënë në shtratin kushtetues. Për sa i i përket bektashizmit Abaz Aliu u vra nga Jeziti dhe Mavia, në betejën e Qerbelasë. Beteja të tilla janë beteja që kanë kosto, por në fund të fundit kanë një vlerë”, tha Kryemadhi.
Ajo u pyet edhe për kandidimin e Erion Veliajt në Tiranë, por refuzoi të jepte komente të tjera përveç një urimi në ditë feste.
“I uroj suksese Erion Veliajt sot në Ditën e Novruzit, nesër flasim për Erionin dhe çfarë ka mbrapa Erionit”, u shpreh Kryemadhi./Opinion.al
