Vjollca Arapi, bashkëshortja e biznesmenit Agim Arapit që u vra në prill të vitit 2017 dhe ku u akuzua dhe Jurgen Kurti u fut në një lidhje live në emisionin “Opinion”.
Sipas saj i gjithë konflikti ka nisur për qeranë që i kërkoi Jurgen Kurtit, por zonja Arapi tha se nuk kishte dashur asnjëherë të vriste të riun.
“Ka qenë një debat banal, i kërkova qeranë. Asnjë gjë nuk mbaj mend në atë moment, të tre kanë qenë brenda në atë moment. Konstandin Ekonomi shtyu ne forcë Jurgen Kurtin, prokuroria nuk mori për bazë as pamjet flimike, as deklarata e mia as dëshmitarët kush ka qenë. Ka qenë një vrasje makabre. Jurgen Kurti u kap atë natë dhe u lirua po atë natë. Ka ardhur një urdhër. Konstandin Ekonomi na tha që të firmosnim një deklaratë dhe unë nuk e provova”, deklaroi Vjollca Arapi.
Po ashtu ajo konfirmoi që policia pas vrasjes kishte kryer kontrolle në banesën e saj.
“Policia ka ardhur për kontroll, kanë qenë shumë të sjellsh. Kanë bërë verifikimet e veta. Unë nuk kam dashur të vras Jugen Kurtin, po të dua të vras njeri është të vras Konstandin Ekonomin. Fëmijët nuk i kam këtu, që ditën që më kanë vrarë burrin i thash djalit ti do ikësh. E shyqyr zotit më dëgjoi. Djali im ka ardhur në janar”./Opinion.al
