Deputetja socialiste, Mimi Kodheli thotë se pavarësisht se qeveria ka hallet e veta, opozita e ka humbur busullën. Në një intervistë për News 24 ajo deklaroi se mazhoranca nuk kërkon të fshihet pas gishtit.
“Busulla është e rëndësishme në jetë sepse të përcakton disa ekuilibra që duhet t’i kesh, pavarësisht tundimeve, pavarësisht erërave. Nuk e di nëse busulla quhet shikim por busullën e ka humbur opozita. Maxhoranca mund të ketë problemet e veta, nuk dua të fshihem pas gishtit. Problemet e maxhorancës dhe opozitës shqiptare janë problemet e shoqërisë shqiptare. Ne merremi dhe me hallet e opozitës sepse merremi me hallet e gjithë Shqipërisë”, tha Kodheli.
Deputetja ka komentuar edhe vallëzimin e kryeministrit Edi Rama me gratë në Fier me rastin 8 marsit.
“Ka bërë një gjest populist. Populizmin varet si e përdor se ka parti që e përdorin dhe drejtojnë vende të mëdha. Ka disa kategori politikanësh. Ka qenë një ditë feste dhe kanë festuar ashtu siç e kanë menduar”./ Opinion.al
