Kapsula Dragon ka përmbyllur me sukses demonstrimin e saj, me rënie në oqeanin Atlantik. Kapsula e re hapësinore amerikane, e lancuar nga kompania kaliforniane private “SpaceX”, u shkëput nga stacioni hapësinor ndërkombëtar ku qëndroi e mbërthyer gjatë javës së shkuar, dhe rihyri në atmosferën e tokës, teksa po kalonte misionin e saj testues, e survejuar nga astronautët në bordin e stacionit hapësinor ndërkombëtar, të cilët ndoqën procedurën ha pas hapi për të garantuar që çdo gjë të shkonte mirë.
Kapsula ishte e pajisur me një mburojë mbrojtëse nga nxehtësia dhe katër parashuta i garantuan një kontakt të butë me ujin, 450 km larg nga Cape Canaveral, Florida. Teksa kapsula u ul mbi oqean pati brohoritje në qendrën e kontrollit të misionit. Misioni nuk kishte asnjë njeri në bord por vetëm një manekin të mbuluar nga sensorë.
Tani, Dragon do ti hapë rrugën agjencisë hapësinore amerikane NASA të miratojë udhëtimet me ekuipazh. I pari udhëtim i tillë mund të ndodhë në korrik, edhe pse data mund të ndryshojë.
Përvec Space X, agjencia po financon edhe Boeingun për të prodhuar një kapsulë tjetër, të quajtur Starliner. Ky është testi i fundit nga një seri testesh që kapsula do të kalojë në mënyrë që të marrë miratimin nga NASA, për të transportuar njerëz në hapsirë./Opinion.al
