Lirohen 8 protestuesit e arrestuar nga policia, në lidhje me protestën e fundit të opozitës në 5 mars, përpara Parlamentit. Gjykata në vendimin e saj argumenton se nuk ka prova bindëse për të arrestuarit, që sipas policisë ushtruan dhunë ndaj efektivëve.
Gjykata vendosi “detyrim paraqitje” për Lorenc Bezatin, Ervis Gasprin, Adi Mecjën, Ervin Cekën, Lulzim Dacin, Armando Prendin, Miklovan Ndreun dhe Nikoll Cepën.
Arrestimet u bënë, sipas policisë, pas këqyrjes së pamjeve filmike. Ndërkohë opozita e bashkuar po përgatitet për protestën e radhës që do ta mbajë në 16 Mars, përpara Kryeministrisë.
Në mbyllje të protestës së fundit, Lulzim Basha deklaroi: “Më 16 mars në protestën vendimtare për ta përcjellë kufomën politike të sektit kriminal të Rilindjes për të çliruar vendit dhe për të shpëtuar të ardhme tonë, zgjedhjet, ekonominë edhe PS“./ Opinion.al
