1600 të dënuar mbahen në burgun grek të Koridhalosit, ndërsa kapaciteti i tij është rreth 1200 vetë. Vetëm në tre muajt e parë të këtij viti, në këtë burg janë ekzekutuar në një luftë mes bandave, tre shtetas shqiptare.
Një sherr masiv, mbrëmjen e së enjtes, në të cilin u përfshinë dhjetëra të burgosur të kombësive të ndryshme i mori jetën një të burgosuri. Sipas policisë vendase, ka qenë gjendja e renduar e një të dënuari prej përdorimit të lëndëve narkotike, që ka sjellë reagimin e disa të dënuarve shqiptarë, të cilët nisen të përleshen me të dënuarit gjeorgjiane dhe rusë.
Në vazhdim, sherri mori përmasa të mëdha, nga përfshirja në të edhe e disa grekeve, por edhe e një grupi të dytë shqiptarësh, të cilët sulmuan grupin e rusisht-folësve, me thika dhe armë të ftohta artizanale.
Prej përballjes së dy grupeve rivale, një shtetas grek gjeti vdekjen e menjëhershme prej thikave të grupit kundërshtar, ndërsa 6 të dënuar dhe 1 gardian, u dërguan në spital me plagë thikash.
Autoritetet thonë se nuk ka rrezik për arratisje, ndërsa situata është nën kontroll. Në këtë burg veprojnë disa prej organizatave më të mëdha mafioze të vendit, të cilat janë tepër aktive brenda dhe jashtë burgut./ Opinion.al
