Duke folur në emisionin “Opinion” në lidhje me deklaratën e Lulzim Bashës për mundësinë e arrestimit të kryebashkiakut të Durrësit Vangjush Dako, Robert Rakipllari është shprehur se ka një përpjekje të ndërkombëtarëve për ndërmjetësim.
“Kjo çështja e famshme 339, që përflitet aq shumë, mesa informacion kam unë nuk është për vjedhje votash. Kanë rënë në përgjime Dako dhe të tjerë, Ndoka dhe Çuko janë në arrest shtëpie. Nga ajo që u përfol sot, është një ndërhyrje e ndërkombëtarëve për ta inkurajuar prokurorinë. Prokuroria mesa di unë nuk ka çështje direkt për vjedhje votash, megjithatë për mënyrën si bëhet këtu arrestimet nuk do të ishte çudi. Nuk duhet të jemi dakord se duhet të arrestohet dikush për të zbutur një konflikt, por ajo që e paraprin këtë gjë, është se Dako ishte i diskutuar dhe ishte në fije të perit kur ishte ministër zoti Xhafaj. Prokuroria është e paqartë në këtë moment. Por këtu kemi një ndërhyrje të ndërkombëtarëve për të zbutur situatën”, është shprehur Rakipllari./Opinion.al
