Prej ditësh një ndër lajmet më të komentuara në mediat rozë është tradhëtia e bujshme që partneri i Khloe Kardashian, i bëri kësaj të fundit me mikeshën e familjes, Jordyn Woods.
Jordyn jetonte në vilën e Kylie Jenner, motrës së Khloes dhe ishte në çdo event të familjes prej disa vitesh ndaj ajo që ndodhi mes tyre u konsiderua një tradhëti e shumëfishtë. Edhe pse në gjendje të rëndë psikologjike raportohet se Jordyn ka fajësuar alkoolin për puthjet që shkëmbeu me Tristan Thompson.
“People” raporton se Jordyn ka thënë që ishte vetëm një gabim idiot që e bëri e dehur. Ndërsa TMZ, pohon se Jordyn i është lutur familjes Kardashian/Jenner prej ditësh që ta falin për gabimin, ndërsa është shprehur se kishte pirë aq shumë sa as nuk i kujtohet asgjë nga festa dhe se nisi të qante kur i thanë që kishte puthur Tristan-in. Jordyn këmbëngul se ishte vetëm një incident dhe se mes tyre nuk ka pasur flirtime më parë.
Edhe pse Kylie i beson versionit të saj, Khloe nuk ka ndërmend që t’ia falë. “Njerëzit zbulojnë veten e tyre përmes veprimeve”, shkroi në një postim Khloe, duke e quajtur më pas Jordyn gjarpër.
Khloe i dha fund lidhjes me Tristan, i cili mësohet se nuk ka shfaqur pendesë për veprimin e tij./E.M
