Prokuroria e Krimeve të Rënda kishte kërkuar masën e sigurimit personal pasuror dhe sekuestros preventive të pasurive të paluajtshme të shtetasit Admir Hoxha, i njohur si një nga kokat e heroinës së kapur në Laboratorin e Hasit.
Sot Gjykata e Krimeve të Rënda ka aprovuar kërkesën e Prokurorisë, duke vendosur sekuestro mbi pasuritë e Hoxhës.
Ndër pasuritë e sekuestruara janë një Bar-Restorant-Hotel katër katësh me sipërfaqe 3320 m2 si dhe një automjet tip “Audi”.
Hoxha do të përgjigjet para drejtësisë në akuzën për trafikim të lëndëve narkotike, ndërsa dyshohet se është pronari i laboratorit të drogës në Has dhe krijues i një grupi të organizuar kriminal. D.l
