Skënderbeu i Korçës cilësohej deri 6 muaj më parë si ekipi më i mirë në Shqipëri, kjo për shkak të rezultateve në fushë por edhe financave të sigurta.
Dënimi i UEFAS dhe çështja gjyqësore e hapur me Gjykatën e Arbitrazhit CAS, ka bërë që këtë sezon Skëndërbeu të vuajë shumë dhe të kthehet në një ekip normal për kampionatin shqiptar.
Gjashtë humbje rresht, e fundit sot me Kastriotin e Krujës, kanë humbur çdo gjurmë nga ekipi kampion.
Por për ta ilustruar më mirë situatën e vështirë që po kalojnë korçarë, mjafton të shikosh se me çfarë kanë udhëtuar ata sot drejt Fushë-Krujës.
Foto e mëposhtme tregon se lojtarët dhe stafi i Skënderbeut kanë udhëtuar me një mikrobus të linjës Durrës-Korçë-Durrës.
Nuk dihet nëse kjo ka ndodhur sepse është prishur autobusi i përhershëm me të cilin udhëton Skëndërbeu, apo kemi të bëjmë me reduktim të luksit nga ana e presidencës së ekipit.
